Persiapan Menghadapi Bulan Ramadhan (Bagian - 1) (Copyright: th Edited by: es)

Cepot: "Conto na, urang ngagibah batur. Eta, teh, saum na teu meunang ganjaran, sanajan teu batal."

Dawala: "Jadi, nuju saum mah, urang ulah loba ngawangkong, nya?"

Cepot: "Enya, kitu! Kunaon lisan jelma keur saum mah, bararau? Sabab ulah loba ngawangkong. Leuwih alus, maca Qur'an. Meunang ganjaran berlipat ti Allah Swt."

Dawala: "Kumaha lamun sapopoe urang sare, Pot?"

Cepot: "Sanajan saum na teu batal, tapi eta, mah, kacida pisan. Ulah siga orok, atuh! Normal we, siga poe-poe sejen. Keun bae lapar, moal paeh ieu. Bedug Magrib pasti buka. Kitu we, simpel; teu kudu ribet. He, he, he ... ."

Dawala: "Meunang teu, beurang urang kukumpul dadaharan jang beukeul buka?"

Cepot: "Hadeuh ... siga barudak bae! Saum mah, hakekat na urang kudu nahan hawa napsu. Oge ngalatih empati ka jalma fakir miskin nu sapopoena hese barang dahar. Saha jalma nu saumna model kitu, insya Allah engke na di tungtung Ramadhan, lir jiga orok anu kakarak lahir ka dunya; suci bersih taya dosa. Kitu meureun hakekat saum, mah!"

Dawala: "Siap, pak ustadz! Ngarti, ngarti ... ."

Cepot: "Alhamdulillaah ... ."

Persiapan Menghadapi Bulan Ramadhan (Bagian - 2)

Dawala: "Teu karasa, nya, Pot; saminggu deui urang bakal asup bulan Ramadhan."

Cepot: "Alhamdulillah, Dawala! Urang meunang deui bulan anu geus lila didagoan ti taun kamari."

Dawala: "Naon atuh, bekel urang nyanghareupan Ramadhan teh, Pot?"

Cepot: "Anu utama, hate urang kudu bungah manggihan ieu bulan. Sabab dosa-dosa urang bakal dihampura ku Allah Swt."

Dawala: "Sagala dosa, Pot?"

Cepot: "Enya, sagala dosa. Boh nu leutik atawa nu gede, iwal ti dosa musyrik, Dawala."

Dawala: "Naon deui, Pot, kautamaan bulan Ramadhan, teh?"

Cepot: "Sagala amal ibadah urang diitung 1000 kali lipat ganjaranana. Eta teh kaasup sholat urang, maca Qur'an, dzikir, sedekah, infak, jeung sajabana."

Dawala: "Oh, kitu, nya? Alus, atuh! ... Kumaha lamun urang ngalakukeun dosa?"

Cepot: "Dosa na oge 1000 kali lipat, Dawala! ... Jadi, lamun maneh nyarekan pamajikan sakali, eta, teh, sarua jeung nyarekan 1000 kali, Dawala! He, he, he ... ."

Dawala: "Waduh, bahaya, nya, Pot?"

Cepot: "Matak, urang kudu ngajaga lisan, Dawala! ... Kunaon lisan jalma anu saum bararau siga minyak kasturi? Ha, ha, ha ... ."

Dawala: "Sabab teu asup sangu jeung kopi?"

Cepot: "Lain kitu! ... Sabab supaya urang ulah loba ngawangkong jeung batur. Komo ngagibah, mah! Tambah dosa. Leuwih alus maca Qur'an."

Dawala: "Ngarti, ngarti ... Nuhun, Pak Ustadz tausiyah na. Jazakumullahu khoiron katsiir"

Marhaban, ya, Ramadhan! ... Segenap Pengurus IKA PGKP IPB mengucapkan "Selamat menjalankan ibadah Ramadhan. Semoga Allah Swt mengampuni semua dosa kita dan menerima segala ibadah Ramadhan kita; serta memberikan kekuatan untuk menjalankannya secara ikhlas. Aamiin ...

Dawala: "Kabayang, nya, lamun rahayat sadunya, teh, bageur kabeh?"

Cepot: "Wow, dunya pasti geus jadi sorga, Dawala!"

Dawala: "Coba harita lamun Nabi Adam jeung Ibu Siti Hawa teu ngadahar buah terlarang, nyaeta buah khuldi, urang moal hirup di dunya anu model kieu, nya?"

Cepot: "Kabeh, mah, geus takdir atuh, Dawala! Urang kudu narima!"

Dawala: "Alhamdulillah, uing boga anak jeung pamajikan, teh, balageur, Pot!"

Cepot: "Alhamdulillah, atuh! Eta nu ngarana sorga dunya. Sanajan hirup urang teu beunghar ku harta, tapi hate urang tenang, nya, Dawala!"

Dawala: "Nya, kitu, Pot! Hate bungah, sare tibra, dahar nikmat!"

Cepot: "Aya hiji deui anu penting jang urang, Dawala!"

Dawala: "Naon deui, Pot?"

Cepot: "Kiih ngeunah! He, he, he ... !"

Dawala: "Ha, ha, ha ... Penting, eta, mah!"

Cepot: "Pamajikan bageur, teh, contona kumaha, Dawala?"

Dawala: "Tara menta jalan-jalan ka Bali, atawa shoping ka mall ... He, he, he ... !"

Cepot: "Ulah kitu, atuh! Pamajikan perlu hiburan. Di imah bae, mah, bosen, Dawala!"

Dawala: "Engke, ah, arek diajak jalan-jalan cucurak ka Bogor!"

Cepot: "Ka mana di Bogor na?"

Dawala: "Ka Boash Poltek! Ceunah Kang Muz arek ngabagi doorprize Boash Mart!"

Cepot: "Tarik, mang ... hayu geura indit!"?"

Balageur. (Copyright: th Edited by: es)

Marhaban Ya Ramadhan (Copyright: th Edited by: es)

Dawala: "Pot, eta budak papatahan, geura! Bangor, tah!"

Cepot: "Saha, Dawala?"

Dawala: "Eta, Brocil!"

Cepot: "Oh, Brocil? ... Ah, sakitu mah lain bangor atuh, Dawala! Normal keneh, ngarana oge budak SD."

Dawala: "Normal kumaha? Kamari ceunah Brocil ngala buah manggah di sakola, nyumputkeun sapatu babaturanana, moyokan awewe nepi ka ceurik! Hadeuh ... ?"

Cepot: "Ah, eta, mah normal keneh, Dawala! Baheula urang oge kitu, lain? Pan ayeuna urang jadi bageur?"

Dawala: "Beda deui, atuh? Zaman harita can aya ponsel. Bangor budak zaman urang masih wajar!"

Cepot: "Teu kunanaon bangor saeutik, mah! Sabab lamun budak teu bangor, engkena bahaya, Dawala! Coba lamun engke geus jadi pejabat terus bangor, wah, bahaya, pan? Geus jadi politisi, terus bangor, waduh ... bahaya! Komo engke geus jadi kyai, terus bangor, walah ... ngerakeun, atuh!"

Dawala: "Bener oge, Pot! Loba pejabat, politisi, ustadz jeung selibriti nu balangor, nya?"

Cepot: "Eta, teh, gara-gara zaman keur leutikna teu bangor!"

Dawala: "Ngarti, ngarti ... ."

Muriang

Dawala: "Pot, tulungan uing, euy!"

Cepot: "Aya naon, Dawala?"

Dawala: "Pamajikan muriang, Pot!"

Cepot: "Panas-tiris, kitu?"

Dawala: "Heueuh, Pot! Panas-tiris!"

Cepot: "Oh, lamun kitu, mah, sedeng, atuh? He, he, he ... ."

Dawala: "Sedeng kumaha, Pot?"

Cepot: "Aya panas-na, oge aya tiris-na? Hartina sedeng, Dawala! He, he, he ... ."

Dawala: "Ulah heureuy, Pot! Keur lieur ieu hulu uing, Pot!"

Cepot: "Eta, mah, gampang, Dawala!"

Dawala: "Gampang kumaha?"

Cepot: "Bawa we pamajikan maneh ka toko emas. Pasti cageur! He, he, he ... !"

Dawala: "Pamajikan uing cageur ... ganti uing nu muriang, Pot! Hadeuh ... !"

Cepot: "Ha, ha, ha ... !"

Dawala: "Dasar Cepot edun ... !"

Muriang (Copyright: th Edited by: es)

Bangor (Copyright: th Edited by: es)

Edisi Reuni

Reuni Akbar-1. (01 Juni 2022)

Cepot: "Dawala, kunaon teu acan daftar Reuni Akbar?"

Dawala: "Ah, lila keneh ieu! Engke we ping 2 Juli! Bisa, pan?"

Cepot: "Ulah kitu, atuh! Sing karunya ka Panitia! Sabab Panitia kudu mayar lunas ka fihak hotel ping 24 Juli, euy!"

Dawala: "Oh, kitu, nya? Jadi, iraha urang kudu transfer ka Panitia Reuni?"

Cepot: "Leuwih alus, mah, miggu ayena! Supaya Panitia regreg!"

Dawala: "Oh, nya, lamun kitu, mah! Mumpung urang geus gajian, nya! Daripada ke mah, sok poho!"

Cepot: "Tah, kitu! Alus, Dawala! Komo IKA PGKP geus mere subsidi lima puluh rebu. Kakarak ayena, lho, aya subsidi model kitu. Kuduna urang era lamun teu buru-buru transfer!

Dawala: "Bener, Pot! Kudu karunya ka Panitia. Komo deui Panitia arek nyadiakeun cinderamata mangrupa masker cantik kanggo peserta. Gratis, deui!"

Cepot: "Wah, urang geus teu sabar, hoyong indit ka Darmawan Park, euy! Hoyong patepang sono jeng babaturan!"

Dawala: "Wah, hebat! Bakalan rame Reuni Akbar, teh!"

Cepot: "Urang du'akeun, we, nya! Mudah-mudahan babaturan urang kabeh sing sarehat, gede milik, dilancarkeun kabeh hajatna!"

Dawala: "Aamiin, ya, Robbal 'Aalamiin ...!"

Reuni Akbar-3. (03 Juni 2022)

Dawala: "Pot, Reuni Akbar, teh, bakal rame pisan, euy!"

Cepot: "Insya Allah, urang du'akeun we, persiapan lancar!"

Dawala: "Mudah-mudahan sadulur urang kabeh sing gede milik, dilancarkeun urusanana, jeung diqobul hajatna. Aamiin ...".

Cepot: "Urang angkat topi, lho, aya babaturan urang ti Aceh, Medan, Damasraya, Palembang, Bali, jeung ti Nabire anu arek hadir di reuni!"

Dawala: "Luar biasa, nya? Eta teh, kuduna jadi conto kanggo anu caket! Anu jauh di ujung dunia oge arek hadir dina reuni."

Cepot: "Pokokna panitia reuni kudu nyiapkeun wadah anu badag, jalaran loba alumni anu arek bawa oleh-oleh!"

Dawala: "Oleh-oleh naon bae, Pot?"

Cepot: "Aya anu arek bawa brem, kripik tempe, madu mongso, bakpia, pempek, kemplang, wajid cililin, dodol garut, tahu sumedang, moci, jeung sajabana!"

Dawala: "Wah ... bakalan loba dadaharan, atuh, nya? Teu ringrang kalaparan ...".

Cepot: "Malihan aya babaturan urang anu geus jadi manager, arek bawa susu, madu, soft drink, ... wah, pokokna hebring pisan, euy!"

Dawala: "Anu arek nyumbang door prize oge loba, nya, Pot?"

Cepot: "Bener, loba pisan! Aya sapatu, kain batik Yogya, Indramayu jeung Palembang, tenun ecoprint, buku-buku keren, ukiran jepara, handy craft, jeung sajabana. Malahan aya oge anu nyumbang LM, lho!"

Dawala: "Wah, aya anu nyumbang logam mulia?"

Cepot: "Ngadu'a, we sing khusu', mudah-mudahan pas dikonclong, nomor urang anu benang eta LM!"

Dawala: "Sahurna aya oge bazar?"

Cepot: "Nya, bener! Adi-adi urang anu boga usaha, arek buka bazar kanggo ngaramekeun Reuni Akbar Bogor 2022!"

Dawala: "Wah, bakalan seru reuni ayena, nya, Pot?"

Cepot: "Aamiin, ya, Robbal 'aalamiin ...".: "Dawala, kunaon teu acan daftar Reuni Akbar?"